Plantun de Prouvènço

Pèr coumpara dos planto d'encò nostre

Buxus sempervirens & Hormathophylla spinosa

Bouis

Buxus sempervirens

Buxaceae

Autre noum : Bouisse.

Nom en français : Buis.

Descripcioun :
Aubret que fai souvènti-fes de bouissoun sus la roucaio, li relarg de l'éuse e subretout dóu roure. Flouris au mes de mars emé uno forto oudour. Douno de pichot fru redoun e banaru (l'oulo). Li fueio soun lisco e espèsso.

Usanço :
Lou bouis èro acampa, chapouta e mescla i fenso de fedo pèr faire de fumié pèr lou jardin (O. Madon e TdF : "lou bouis es un bon fumié"). Servié peréu à ajuda à la circulacioun dóu sang di bèsti. Li fueio de bouis en tisano soun vertuouso contro la fèbre e li mau de ren (mèfi pamens qu'èi toussi). Se fai peréu de ban pèr apeisa li mau d'os. Li ramo de bouis servien pèr tout un fube de causo, de l'escoubo pèr acampa lou gran i pouciéu. La ligno de bouis douno de poulìdi besougno que lusisson un cop aliscado (cano, boulo...).

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Buxus
Famiho : Buxaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo - Garrigo
Estànci : Pancaro entresigna
Couroulougi : Pancaro entresigna
Ref. sc. : Buxus sempervirens L., 1753

Gourbèio-d'or(-espinouso)

Hormathophylla spinosa

Brassicaceae Cruciferae

Nom en français : Alysson épineux.

Descripcioun :
La gourbèio-d'or-espinouso trachis en mato dins li roucas e sus li cresten venta de nòsti colo cauquiero. La planto èi di proun ramificado emé d'espino que vènon di ramo esterlo. Li fueio soun en pichòti rouseto de 1,5 à 6 mm de diamètre. Lis enflourejado soun en grapo courto de 5 à 15 flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Hormathophylla
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 8 à 10 mm
Flourido : Printèms

Sòu : Ca
Autour basso e auto : 100 à 800 m
Aparado : Vo
Mai à jun

Liò : Roucas - Cresten venta
Estànci : Mesoumediterran à Subremediterran
Couroulougi : Mediterrano-Moutagnouso-Ouèst
Ref. sc. : Hormathophylla spinosa (L.) P.Küpfer, 1974 (= Alyssum spinosum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Buxus sempervirens & Hormathophylla spinosa

Coumpara Bouis emé uno autro planto

Coumpara Gourbèio-d'or(-espinouso) emé uno autro planto